"Сассуоло" "Ювентус" билан Доменико Берарди трансфери бўйича олиб борилган музокаралар ҳақида фикр билдирди.
29 ёшли вингер "кекса синьора" сафига қўшилишни истамоқда, аммо клублар келишувга эриша олишмаяпти.
"Берарди "Ювентус"га сотилмайди", - дейди "Сассуоло" директори Жованни Карневали. - Жунтоли 17 августда тугаган муддатдан олдин таклифларни тақдим этмади. Бу эса менга ёқмади. Биз шундай бўлишини хоҳлардик, лекин "Ювентус" шунчаки йўқолиб қолди. Энди Берарди сотилмайди", - деди функционер.
Transfermarkt маълумотларига кўра Доменико Берардининг трансфер нархи 18 млн еврони ташкил қилади.
