Украина футбол федерацияси англиялик мутахассис Ҳарри Реднаппни терма жамоа бош мураббийлигига таклиф қилмоқда. Бу ҳақда УФФ расмий сайти хабар тарқатган.
Бугун айнан «Тоттенҳэм» собиқ бош мураббийи Реднапп номзодини кўриб чиқиш масаласи федерацияда муҳокама қилинди.
«Мен терма жамоа футболчилари орасида Реднаппнинг обрўси баланд бўлишига ишончим комил. Унда футболчиларда иштиёқни юқорига кўтара оладиган кучли мураббийлик тажрибаси бор. Ҳозирги кунда у Англиянинг энг яхши мураббийларидан бири», дея Украина футбол иттифоқи терма жамоалар кўмитаси раҳбари Михаил Фоменконинг сўзларидан иқтибос келтирмоқда.