"Манчестер Юнайтед" бош мураббийи Эрик тен Хаг клуб бир неча футболчилар билан хайрлашишга яқин эканини тан олди.
Хабарингиз бор, “қизил иблислар” сафини ярим ҳимоячи Донни ван де Бек ва чап қанот ҳимоячиси Брандон Уильямс тарк этиши мумкин. Бу малумотни жамоа бош мураббийи ҳам тасдиқлади: "Бизга фикрлари фақат "Манчестер Юнайтед" билан боғлиқ бўлган футболчилар керак. Кўриниб турибдики, улар бошқа вариантларни қидирмоқдалар", - дея Тен Хаг сўзларини келтирди инсайдер Фабрицио Романо.
Эслатиб ўтамиз, аввалроқ Донни ван де Бек "Реал Сосьедад"га ўтиши мумкин эканлиги айтилганди.
