"Реал Мадрид" ярим ҳимоячиси Жуд Беллингем фаолиятининг Мадриддаги босқичини ажойиб тарзда бошлади.
20 ёшли футболчи шанба куни "Альмерия"га (3:1) қарши ўйинда иккита гол ва бир голли узатмани амалга оширди. У бир ҳафта олдин "Атлетик Бильбао" билан ўйинда (2:0) ҳам рақиб дарвозасига тўп киритганди. OPTA маълумотларига кўра, Беллингем 21-аср бошидан бери Ла Лиганинг иккита очилиш ўйинида тўртта голда қатнашган учинчи футболчидир. Бунгача "қаймоқранглилар" собиқ ярим ҳимоячиси Уэсли Снейдер (2007 йилда), шунингдек Мунир Эл-Хаддади (2013) шундай муваффақиятга эришган.
Жуд Беллингем шу ёзда Дортмунднинг "Боруссия"сидан "Реал"га ўтган эди.
