"Брайтон" бош мураббийи Роберто де Дзерби яқинда жамоадан кетган ярим ҳимоячи Мойсес Кайседонинг ўрнини тўлдириш клубга осон бўлмаслигини тан олди.

21 ёшли эквадорлик футболчи 116 миллион евро эвазига "Челси"га ўтди. “Чайкалар” “Вулверхэмптон”ни йирик ҳисобда мағлуб этган (4:1) ўйин якунланганидан сўнг, италиялик мутахассис жамоани кучайтириш зарурлигини айтди: “Ўйлашимча, янги футболчини қўлга киритиш учун трансфер бозорига киришишимиз керак. Кайседосиз биз ўз ўйинимизни ўзгартиришга мажбур бўлдик", - дея Де Зербининг сўзларини келтиради Sky Sports.

"Брайтон" Премьер-лиганинг янги мавсумининг дастлабки икки ўйинида олти очко жамғариб, турнир жадвалида пешқадамлик қилмоқда.