Лионель Месси бошчилигидаги «Интер Майами» ўз тарихида биринчи марта соврин қўлга киритди.

Клуб финалда «Нэшвилл»ни мағлуб этиб, Лигалар кубоги соҳибига айланди (1:1, пенальтилар сериясида – 10:9).

«Интер Майами» МЛСдаги дебютини 2020 йилда ўтказган. Клубга «Манчестер Юнайтед», «Реал» ва Англия терма жамоасининг собиқ футболчиси Дэвид  эгалик қилади.

Лионель Месси ушбу мавсум оралиғида жамоага қўшилди ва 7 ўйинда 10 та гол уриб, турнирнинг энг яхши тўпурари бўлди.

Лигалар кубоги клублар ўртасидаги турнир бўлиб, унда АҚШ ва Мексика жамоалари ўйнайди. Бу йилдан бошлаб у КОНКАКАФ ҳомийлигида расмий мусобақага айланди.

Лигалар кубогида кучли уч ўринни эгаллаган жамоалар автоматик равишда 2024 йилги КОНКАКАФ Чемпионлар кубогига йўлланма олади (турнир 2023 йилгача Чемпионлар лигаси деб аталар эди).

«Интер Майами» ва «Нэшвилл» биринчи марта финалда ўйнашди. Шунингдек, улар биринчи марта КОНКАКАФ Чемпионлар Кубогида иштирок этишади.

Флорида клуби Лига кубогидаги ғалаба туфайли Чемпионлар кубогини 1/8 финалдан бошлайди.