Lionel Messi boshchiligidagi «Inter Mayami» o‘z tarixida birinchi marta sovrin qo‘lga kiritdi.

Klub finalda «Neshvill»ni mag‘lub etib, Ligalar kubogi sohibiga aylandi (1:1, penaltilar seriyasida – 10:9).

«Inter Mayami» MLSdagi debyutini 2020 yilda o‘tkazgan. Klubga «Manchester Yunayted», «Real» va Angliya terma jamoasining sobiq futbolchisi Devid  egalik qiladi.

Lionel Messi ushbu mavsum oralig‘ida jamoaga qo‘shildi va 7 o‘yinda 10 ta gol urib, turnirning eng yaxshi to‘purari bo‘ldi.

Ligalar kubogi klublar o‘rtasidagi turnir bo‘lib, unda AQSH va Meksika jamoalari o‘ynaydi. Bu yildan boshlab u KONKAKAF homiyligida rasmiy musobaqaga aylandi.

Ligalar kubogida kuchli uch o‘rinni egallagan jamoalar avtomatik ravishda 2024 yilgi KONKAKAF Chempionlar kubogiga yo‘llanma oladi (turnir 2023 yilgacha Chempionlar ligasi deb atalar edi).

«Inter Mayami» va «Neshvill» birinchi marta finalda o‘ynashdi. Shuningdek, ular birinchi marta KONKAKAF Chempionlar Kubogida ishtirok etishadi.

Florida klubi Liga kubogidagi g‘alaba tufayli Chempionlar kubogini 1/8 finaldan boshlaydi.