Ўзбекистон чемпионатининг бу йилги мавсумида Тошкентнинг «Пахтакор» жамоаси 5 йиллик танаффусдан кейин яна чемпионлик унвонини қўлга киритди.

Ўз уйида «Бухоро»ни қабул қилган тошкентликлар йирик ҳисобда ғалаба қозонди. Учрашувнинг дастлабки дақиқаларидан олдинга ташланган «Пахтакор»чилар қарши ҳужумни ўтказиб юборишди ва «Бухоро» футболчилари ҳисобни очишганди. Бироқ қанот ҳаками ўйиндан ташқари ҳолатни қайд этиб голни инобатга олмади.

39-дақиқага келиб «Бухоро» ҳимоячиси Кахи Махарадзени чалиб йиқитди. Пенальтини эса Станислав Андреев аниқ амалга ошириб  ҳисобни очди.

Иккинчи бўлимда «Пахтакор» тўлиқ устунлик қилди ва буни ҳисобда ҳам акс эттира олди. 3та голга Жасур Ҳасанов бир пеналтидан киритилган гол билан жавоб қайтара олди. Натижада «Пахтакор» ўз тарихида 9-марта мамлакат чемпиони унвонини қўлга киритди.

ЎзПФЛ. 26-тур
ПАХТАКОР - БУХОРО 4:1 (1:0)
Голлар: Станислав Андреев (39-пен), Темурхўжа Абдуҳолиқов (64), Владимир Козак (69,82) - Жасур Ҳасанов (87-пен)

«Пахтакор»: 12. Александр Лобанов, 27. Илҳом Суюнов, 2. Егор Кримец, 13. Александр Клецков, 24. ДАврон Ҳошимов, 7. Кахи Махарадзе, 14. Шерзодбек Каримов (19. Игор Сергеев, 58), 28. Станислав Андреев, 29. Владимир Козак, 35. Жамшид Искандеров (5. Акбар Исматуллаев, 46), 9. Темурхўжа Абдуҳлиқов.

«Бухоро»: 35. Анатолий Плиненко, 5. Георгий Квесишвили, 6. Евгений Кочнев, 7. Азизбек Муродов, 8. Жасур Ҳасанов, 9. Шаҳзод Сулаймонов, 14. Воҳид Шодиев, 17. Отабек Нарзуллаев, 21. Миршаҳоб Раҳимов (11. Нодир Жўраев, 46), 23. Илёс Хайров, 24. Асқар Муҳиддинов.
Ҳакамлар: В. Коваленко, Т. Абдуллаев, В. Серазетдинов, В. Нажафалиев (барчаси — Тошкент шаҳри).
Назоратчи ҳакам: Раҳим Мўминов (Тошкент).
Четлатиш: Егор Кримец (87).