"Реал" бош мураббийи Карло Анчелотти "Альмерия"га қарши Ла Лига 2-тур учрашувидан кейин фикр билдирди. “Қироллик” клуби 3:1 ҳисобида ғалабани тантана қилди.
"Рақиб бизни биринчи қарши ҳужуми билан ушлади, ҳаммаси бенуқсон амалга оширилди. Лекин биз ўйин назоратини қўлдан чиқармадик ва аста-секин темпни оширдик. "Реал"да кўп имкониятлар бўлди, жамоа майдон бўйлаб ажойиб ҳаракат кўрсатди. Бизда ўйин жуда хилма-хил, бу имкониятлар яратишга ёрдам беради. Лунин яхши ўйнади, мен унга ишонаман", - дея италиялик мураббийнинг сўзларини келтиради клуб матбуот хизмати.
Мадриднинг “Реал” клуби олти очко жамғариб, Испания чемпионати турнир жадвалида пешқадамлик қилмоқда.
