"ПСЖ" марказий ҳужумчи қидирмоқда ва Франкфуртнинг "Айнтрахт" клубидан Рандал Коло-Муанини сотиб олмоқчи. Бироқ немис клуби Париждан келган биринчи таклифни рад этди, бу ҳақда журналист Лоик Танзи ижтимоий тармоқларда хабар берди.
Клуб 24 ёшли Коло-Муани учун 60 миллион евро ва бонус сифатида яна 10 миллион евро таклиф қилди. Бу шартлар "Айнтрахт"га мос келмади. "ПСЖ" ҳозирда иккинчи таклиф тайёрламоқда.
Коло-Муани ўтган ёздан бери "Айнтрахт"да. У клуб сафида 47 та расмий ўйинда майдонга тушиб, 24 та гол урган ва 17 та голли узатмани ҳамкорларига берган.
