Исроил пойтахтида ўтказилиши лозим бўлган Европа лигаси гуруҳ босқичи 5-туридан ўрин олган "Хапоэль" ва "Атлетик" клублари ўртасидаги учрашув қўпорувчилик хавфи туфайли қолдирилди.

Ўйин пайшанба куни бўлиб ўтиши керак эди, хавфсизлик нуқтаи назаридан ўтказилмайдиган бўлди. Бу ҳақда Football-espana.net хабар бермоқда. Испания клуби футболчилари Тель-Авивга ўйиндан бир кун олдин етиб боришлари керак эди, аммо УЕФА вакиллари уларнинг мурожаатини қабул қилиб, ўйинни қолдириш ҳақида қарор чиқардилар. Учрашувнинг янги муддати аниқланмаган.