«Барселона» «Манчестер Сити» билан ҳимоячи Жоау Канселуни ижарага олиш бўйича келишувни якунламоқчи, деб ёзди инсайдер Фабрицио Романо ўзининг ижтимоий тармоғида.
Манба берган хабарга кўра, португалиялик футболчи аллақачон «Барселона» билан шартнома борасида келишиб бўлган ва у клубларнинг ўзаро келишиб олишларини кутмоқда.
Қайд этилишича, испан клуби келишувни шу ҳафта якунлашга умид қилмоқда.
Канселу 2022/23 йилги мавсумнинг иккинчи ярмини ижара асосида «Бавария»да ўтказди. Ҳимоячи мюнхенликлар сафида 21 та ўйин ўтказиб, 1 та гол урди ва 6 та голли узатмани амалга оширди.
