«Barselona» «Manchester Siti» bilan himoyachi Joau Kanseluni ijaraga olish bo‘yicha kelishuvni yakunlamoqchi, deb yozdi insayder Fabrisio Romano o‘zining ijtimoiy tarmog‘ida.
Manba bergan xabarga ko‘ra, portugaliyalik futbolchi allaqachon «Barselona» bilan shartnoma borasida kelishib bo‘lgan va u klublarning o‘zaro kelishib olishlarini kutmoqda.
Qayd etilishicha, ispan klubi kelishuvni shu hafta yakunlashga umid qilmoqda.
Kanselu 2022/23 yilgi mavsumning ikkinchi yarmini ijara asosida «Bavariya»da o‘tkazdi. Himoyachi myunxenliklar safida 21 ta o‘yin o‘tkazib, 1 ta gol urdi va 6 ta golli uzatmani amalga oshirdi.
