Мюнхеннинг “Бавария” клуби ҳимоячиси Бенжамин Паварнинг “Интер”га трансферини кечиктириши мумкин. Журналист Маттео Мореттонинг сўзларига кўра, “қизил машина” франциялик футболчига тиббий кўрикдан ўтиш учун Миланга учиб кетишга рухсат беришдан аввал унинг ўрнига ўринбосар топмоқчи.

Манбанинг айтишича, клублар келишувга жуда яқин. Томонлар бу масалани 48 соат ичида якунламоқчи, аммо кўп нарса "Бавария" футболчининг ўрнига қанчалик тез топа олишига боғлиқ.

Паварнинг "Бавария" билан шартномаси бир йилдан кейин тугайди, шунинг учун мюнхенликлар унинг учун 35 миллион евро олмоқчи.