Ҳужумчи Мусса Марега «Ал-Ҳилол»ни тарк этди.
32 ёшли малилик футболчи эркин агентга айланди. У томонларнинг ўзаро келишувига кўра клубни тарк этди, шартнома бекор қилинди.
Марега Ар-Риёд жамоаси таркибида Саудия Арабистони чемпионати, Қирол кубоги, Осиё чемпионлар лигаси ва Саудия Арабистони Суперкубогида ғолиб чиқди.
«Ал-Ҳилол» бу йил Европадаги номдор футболчилардан иборат бутун бир гуруҳ билан шартнома имзолади.
Улар орасида дарвозабон Буну, ҳимоячи Калиду Кулибали, ярим ҳимоячилар Рубен Невеш ва Сергей Милинкович-Савич, ҳужумкор футболчилар Неймар, Малком ва Александр Митровичлар бор.
