"Манчестер Сити" Кайл Уокер ва Бернарду Силва билан шартномани узайтиради.
ESPN хабарига кўра, Уокер ва Силва кетиш эҳтимоли ҳақидаги маълумотларга қарамай, "Манчестер Сити"да қолишни исташмоқда. Клуб футболчилар билан шартномани янгилашга яқин турибди. Қайд этилишича, Риёд Махрез ва Илкай Гюндоганнинг кетиши "Манчестер Сити"нинг Уокер ва Бернардуни жамоада олиб қолиш истагига таъсир қилган.
Уокер ёзда "Бавария"га ўтишга яқин тургани хабар қилинганди. Бернардуга "Барселона", "ПСЖ" ва Саудия Арабистони клублари қизиқиш билдиришди.













