«Фейеноорд» ҳимоячиси Маркус Педерсен янги мавсумни «Сассуоло»да ижара асосида ўтказади. Бу ҳақда Италия клуби расмий сайтида маълум қилди.
Қайд этилишича, томонлар ўртасидаги ижара шартномаси бир йилга мўлжалланган. Бундан ташқари, шартномада футболчини мавсум охирида сотиб олиш имконияти ҳам мавжуд.
Нуфузли Transfermarkt интернет порталига кўра, ижара нархи бир миллион еврони ташкил қилган. Педерсеннинг бозор қиймати етти миллион еврога баҳоланмоқда.
Ҳимоячи Норвегия терма жамоаси сафида 18 та ўйин ўтказди, бу ўйинларда у 3 та голли узатмани амалга оширди ва иккита сариқ карточка олди.
