«Feyenoord» himoyachisi Markus Pedersen yangi mavsumni «Sassuolo»da ijara asosida o‘tkazadi. Bu haqda Italiya klubi rasmiy saytida ma’lum qildi.

Qayd etilishicha, tomonlar o‘rtasidagi ijara shartnomasi bir yilga mo‘ljallangan. Bundan tashqari, shartnomada futbolchini mavsum oxirida sotib olish imkoniyati ham mavjud.

Nufuzli Transfermarkt internet portaliga ko‘ra, ijara narxi bir million yevroni tashkil qilgan. Pedersenning bozor qiymati yetti million yevroga baholanmoqda.

Himoyachi Norvegiya terma jamoasi safida 18 ta o‘yin o‘tkazdi, bu o‘yinlarda u 3 ta golli uzatmani amalga oshirdi va ikkita sariq kartochka oldi.