«Манчестер Сити» ярим ҳимоячиси Максимо Перроне яқин орада Испаниянинг «Лас-Пальмас» клубига ўтиши керак.
Журналист Фабрицио Романо хабарига кўра, 20 ёшли аргентиналик жорий мавсумни ижара асосида «Лас-Пальмас»да ўтказади.
Маълум қилинишича, шартномада сотиб олиш варианти мавжуд эмас, чунки «шаҳарликлар» келажакда Перронга умид боғлашмоқда.
Эслатиб ўтамиз, ярим ҳимоячи ўтган қишда «Манчестер Сити» таркибига келиб қўшилганди. Бу вақт ичида Перроне гол урмаган бор-йўғи иккита учрашувда майдонга тушди.
Футболчининг инглиз гиганти билан шартномаси 2028 йилгача ҳисобланган. Перроненинг нархи 10 миллион еврога баҳоланмоқда.
