"Манчестер Сити" бош мураббийи Роберто Манчини ўзининг истеъфога чиқарилиши мумкинлиги ҳақидаги миш-мишларга муносабатини билдирди.
"Мен истеъфодан қўрқмайман. Фақатгина Европа чемпионлар лигасида иштирокимизга икки йил тўлмасдан туриб, биздан чемпионликни кутиш нотўғрилигини айтиб ўтмоқчиман.
Мана, "Челси"га қаранг, у чемпионлар лигасида ғолиб чиқиш учун 10 йиллик вақт сарфлади. Улар ҳатто чемпионликка лойиқ бўлганларида ҳам бунга эриша олмадилар. "Челси" 2012 йилга келиб зафар қучишини ҳеч ким кутмаган эди.
Биз бир қанча хатоларга йўл қўйдик, гуруҳимиз эса ўта қийин, хатоларни кечирмайди. "Боруссия" ва "Реал" биздан яхшироқ ўйнадилар", - дея Манчинининг сўзларини келтиради ВВС.
