Франция терма жамоаси ҳимоячиси Рафаэль Варан жорий трансфер ойнасида «Манчестер Юнайтед»ни тарк этиш ниятида эмас.
Бу ҳақда инсайдер Фабрицио Романо ижтимоий тармоқлар орқали маълум қилди.
Журналистнинг қайд этишича, 30 ёшли футболчи бошқа клублар билан музокарага киришмоқчи эмас.
У аллақачон Саудия Арабистони чемпионатидан тушган таклифларни рад этган. Ўз навбатида, «қизил иблислар» ҳам футболчи билан хайрлашишдан манфаатдор эмас.
Рафаэль 2021 йилнинг ёзида «Реал»дан «Юнайтед»га ўтган эди. Марказий ҳимоячи клуб билан 2025 йилнинг июнь ойи охиригача узоқ муддатли шартнома имзолади.