Амстердамнинг "Аякс" клуби ўз ҳужумчиси Муҳаммад Кудусни Лондоннинг "Вест Хэм" клубига сотишга шошилмаяпти. Журналист Фабрицио Романонинг ёзишича, Нидерландия клуби трансфер ойнасининг сўнгги кунларида ганалик учун катта таклиф келишига ишонмоқда.
Эслатиб ўтамиз, "Аякс" ўз ҳужумчисини тахминан 40 миллион еврога баҳоламоқда. Аввалроқ, Лондоннинг "Челси" клуби футболчига кўз тикаётгани хабар қилинганди, аммо сўнгги пайтларда "аристократлар"нинг унга қизиқиши пасайган.
Кудус ўтган мавсумда Нидерландия чемпионатида 11 та гол урди. Ганалик еврокубокларда яна 5 та гол урди. Муҳаммаднинг амалдаги клуби билан шартномаси 2025 йилнинг ёзига қадар тузилган.













