Amsterdamning "Ayaks" klubi o‘z hujumchisi Muhammad Kudusni Londonning "Vest Xem" klubiga sotishga shoshilmayapti. Jurnalist Fabrisio Romanoning yozishicha, Niderlandiya klubi transfer oynasining so‘nggi kunlarida ganalik uchun katta taklif kelishiga ishonmoqda.
Eslatib o‘tamiz, "Ayaks" o‘z hujumchisini taxminan 40 million yevroga baholamoqda. Avvalroq, Londonning "Chelsi" klubi futbolchiga ko‘z tikayotgani xabar qilingandi, ammo so‘nggi paytlarda "aristokratlar"ning unga qiziqishi pasaygan.
Kudus o‘tgan mavsumda Niderlandiya chempionatida 11 ta gol urdi. Ganalik yevrokuboklarda yana 5 ta gol urdi. Muhammadning amaldagi klubi bilan shartnomasi 2025 yilning yoziga qadar tuzilgan.
