Франкфуртнинг “Айнтрахт” клуби ҳужумчиси Рандал Коло-Муани Франция чемпионатига қайтишни тезлаштиришга ҳаракат қилмоқда. Эслатиб ўтамиз, ҳужумчини мамлакат чемпиони "ПСЖ" сотиб олмоқчи.
Журналист Фабрицио Романонинг ёзишича, парижликлар айни дамда Рандал трансфери бўйича янги таклиф тайёрламоқда. Аввалроқ, Франкфуртнинг "Айнтрахт" клуби Коло-Муанини 70 миллион еврога сотишдан бош тортганди.
"ПСЖ" Рандални ҳозирги ва келажакка катта ўзгаришлар кирита оладиган футболчи сифатида кўради. Бундеслигадаги дебют мавсумида футболчи 15 та гол урди ва 11 та голли узатмани амалга оширди. Аввалроқ Коло-Муани Францияда “Нант” таркибида ўйнаган.
