Эрон футбол федерацияси бош котиби Муҳаммад Меҳди Набий 2013 ва 2014 йиллар учун амалда бўладиган ОЧЛ квоталари ҳақида Эроннинг ISNA ахборот агентлигига хабар берган. Унинг фикрига кўра, Эронга 3+1 кўринишида жой ажратилади.

Хабарингиз бор, ОФК тафтиш комиссияси клублари ОЧЛда иштирок этадиган мамлакатларнинг футбол тизимини текшириб чиқди ва тўпланган баллар асосида мамлакатларга ОЧЛга жойлар ажратилади. Меҳди Набий берган маълумотлар қуйидагича:
1. Япония — 946 балл — 4та ўрин;
2. Жанубий Корея — 886 балл — 4та ўрин;
3. Саудия Арабистони — 860 — 4та ўрин;
4. Қатар — 838 балл — 4та ўрин;
5. Эрон — 813 балл — 3+1та ўрин;
6. Хитой — 796 балл — 3+1та ўрин;
7. БАА — 750 балл — 2+1та ўрин;
8. Австралия — 747 балл — 2+1та ўрин;
8. Ўзбекистон — 740 балл — 1+1та ўрин.

Кўриб турганингиздек, Ўзбекистон учун ОЧЛга 1+1 кўринишида жой режалаштирилмоқда. Яъни битта жамоамиз ("Пахтакор") тўғридан-тўғри гуруҳ босқичида иштирок этса, яна бир жамоамиз иштирокни саралашдан бошлайди. Ушбу квоталар ОФК Ижроқўмида тасдиқланса, бу лойиҳа 2013 ва 2014 йилларда амалда бўлади.