Мейсон Гринвуд зўрлашда айбланиб, "Манчестер Юнайтед"ни тарк этганди. Йил бошида айбловлар олиб ташланган, бироқ клуб салбий муносабат туфайли футболчи билан хайрлашишга қарор қилган. Шубҳасиз, Англия терма жамоаси эшиги энди Гринвуд учун ёпиқ. Бундай вазиятда Ямайка термаси футболчини ўз сафига тортишга умид қилмоқда. Бу ҳақда Daily Mail нашри хабар бермоқда.
Манбанинг қайд этишича, Гринвуд 2020 йилда Англия терма жамоаси учун битта ўйин ўтказган, аммо қоидалар унга спорт фуқаролигини алмаштиришга имкон беради.
Айтиш жоизки, бир неча йил олдин Ямайка терма жамоаси Гринвудга қизиқиш билдирган, аммо кейин у Англияни танлаган.
