Серхио Рамос "ПСЖ"ни тарк этганидан кейин эркин агентга айланди.
AS нашри хабарига кўра, 37 ёшли ҳимоячи "Галатасарой"га ўтишга яқин турибди. Қайд этилишича, Рамос икки мавсум учун 15 миллион евро маош сўрамоқда. “Шерлар” айни дамда 10 миллион евро ва бонуслар таклиф қилмоқда, бу эса томонларнинг позициялари унчалик узоқ эмаслигини билдиради.
Агар жамоа Чемпионлар лигаси гуруҳ босқичига чиқса, "Галатасарой"нинг Серхио Рамос билан шартнома имзолаш имконияти ортади. Плей-офф босқичида турк грандининг рақиби "Мольде" жамоаси бўлади. Бу жамоалар ўртасидаги илк ўйин чоршанба оқшомида бўлиб ўтади.
