Serxio Ramos "PSJ"ni tark etganidan keyin erkin agentga aylandi.
AS nashri xabariga ko‘ra, 37 yoshli himoyachi "Galatasaroy"ga o‘tishga yaqin turibdi. Qayd etilishicha, Ramos ikki mavsum uchun 15 million yevro maosh so‘ramoqda. “Sherlar” ayni damda 10 million yevro va bonuslar taklif qilmoqda, bu esa tomonlarning pozisiyalari unchalik uzoq emasligini bildiradi.
Agar jamoa Chempionlar ligasi guruh bosqichiga chiqsa, "Galatasaroy"ning Serxio Ramos bilan shartnoma imzolash imkoniyati ortadi. Pley-off bosqichida turk grandining raqibi "Molde" jamoasi bo‘ladi. Bu jamoalar o‘rtasidagi ilk o‘yin chorshanba oqshomida bo‘lib o‘tadi.
