“Интер Майами” ва Аргентина терма жамоаси ҳужумчиси Месси фаолиятини якунлаш ҳақидаги саволга яна бир бор жавоб берди.
“Тўғрисини айтсам, бу ҳақда ҳали ўйламайман. Мен ўйнашни яхши кўраман, тўп билан бирга бўлишни, майдонда бўлишни, мусобақа ва машғулотларни ёқтираман.
Яна қанча ўйнашимни билмайман, лекин имконим бўлганича буни қилишга ҳаракат қиламан.
Кейин нима бўлишини ўйлашга ҳали вақтим бор. Бугун энг муҳими, имкон қадар бизда мавжуд бўлган нарсадан баҳраманд бўлишдир”, деди Месси AppleTV телеканалига берган интервьюсида.
