Испания терма жамоаси бош мураббийи Висенте дель Боске Мадриднинг "Атлетико"клуби шарафига илиқ гаплар айтди, дея хабар беради испан матбуоти.
Дель Боскенинг фикрича, Диего Симеоне шогирдларининг "Реал"га қарши ўтадиган Мадрид дербисида ғалаба қозонишлари мумкин экан. Бу жамоаларнинг учрашуви миллий чемпионатнинг 14-турида "Қироллик клуби" стадионида бўлиб ўтади.
"Мен "Атлетико"ни "Сантьяго Бернабеу"да "Реал" устидан ғалаба қозона оладиган жиддий жамоа деб биламан. Симеоне шогирдлари бу мавсум жамоавий ўйин кўрсатмоқдалар. "Атлетико"нинг бундай ўйнаётгани жуда яхши. Биз бу жамоанинг ҳалқаро майдондаги ютуқлари учунгина эмас, балки, миллий чемпионатдаги иштироки учунҳам олқишлашимиз керак. Бу жамоанинг ўйини чемпионатни безаяпти", - дейди Дель Боске.
