"Реал" бош мураббийи Карло Анчелотти ярим ҳимоячи Лука Модрич Саудия Арабистони жамоасига ўтиши мумкинлиги ҳақидаги миш-мишларга изоҳ берди.
"Модрич Саудия Арабистонидами? Лука аллақачон "Реал Мадрид"да қолишга қарор қилган. У ўйин дақиқаларини олмаганидан норози, аммо ҳамма нарсанинг ўз вақти бор. Модрич ҳали ҳам ўз имкониятларини қўлга киритади. Лука бу мавсумда ҳам бизга ёрдам беради”, деди Анчелотти матбуот анжуманида.
Эслатиб ўтамиз, Испания Ла Лигасининг дастлабки икки турида Модрич бирор марта ҳам асосий таркибда майдонга тушмаганди. 37 ёшли Луканинг "Реал" билан шартномаси жорий мавсум охирида якунига етади.
