Мадриднинг "Реал" клуби бош мураббийи Карло Анчелотти ўтган ёзда "Монако"дан 80 миллион евро эвазига жамоага келиб қўшилган ярим ҳимоячи Аурелиен Тчуаменининг формаси ҳақида гапирди.
“Тчуамени жаҳон чемпионатидан кейин жароҳат олди, бу унга жуда таъсир қилди. Жароҳатидан фориғ бўлиши қийин бўлди. Аммо ҳозир айтишим мумкинки, у жаҳон чемпионати олдидан кўрсатган формасига қайтди”, - деди Анчелотти матбуот анжуманида.
Тчуамени ўтган мавсумнинг биринчи ярмида "Реал"нинг асосий таркибида ўйнаган бўлса, жаҳон чемпионатидан сўнг у тез-тез захирадан майдонга туша бошлади.
