ФИФА Луис Рубиалес ва Женнифер Эрмосо ўртасидаги ўпиш бўйича текширув ўтказмоқда.

Испания Қироллик футбол федерацияси президентига нисбатан интизомий иш қўзғатилди.

“Ушбу ҳодисалар ФИФА Тартиб-интизом кодексининг 13-моддаси 1 ва 2-бандларини бузиш бўлиши мумкин”, — дейилади Халқаро футбол федерацияси баёнотида.

13-модда ("Ҳақоратли хулқ-атвор ва ҳалол ўйин тамойилларини бузиш"), хусусан, "одобли хулқ-атворнинг асосий қоидалари" ва "футболни ва/ёки ФИФАни обрўсизлантирадиган" хатти-ҳаракатларни бузганлик учун интизомий жазо чораларини кўради.

Эслатиб ўтамиз, Рубиалес Жаҳон чемпионати финали якунида тақдирлаш маросимида Испания терма жамоаси футболчисини лабидан ўпган эди.