Ҳужумкор ярим ҳимоячи Анхел ди Мария ёзги трансфер ойнасида "Бенфика"га қайтди. 35 ёшли аргентиналик футболчининг сўзларига кўра, унга Саудия Арабистонидан таклифлар тушган.
"Менга Саудия Арабистонидан жуда кўп қўнғироқ қилишди. Улар таклиф қилган суммалар ақл бовар қилмас даражада эди. Аммо мен юрагимга қулоқ солдим ва "Бенфика"га ўтишни хоҳладим" - деди ди Мария DSportsRadio нашрига.
Анхел ди Мария 2007-2010 йилларда "Бенфика"да ўйнаган. Бу вақт ичида аргентиналик футболчи 123 та расмий ўйин ўтказиб, 17 та гол урган ва 28 та голли узатмани ҳамкорларига берган.
