Туриннинг "Ювентус" клуби раҳбарияти ҳимоячи Даниэле Ругани билан шартномани узайтириши мумкин.

Журналист Ромео Агрестининг ёзишича, жорий трансфер ойнаси якунида "бьянконерлар" раҳбарлари футболчининг атрофидагилар билан учрашиб, келишувни давом эттириш масаласини муҳокама қилишади. Мақсад Руганининг маошини қисқартириш, шу билан бирга шартномани узайтириш. Футболчининг амалдаги шартномаси 2024 йилнинг июнига қадар амал қилади.

Эслатиб ўтамиз, Даниэле "Ювентус" тарбияланувчиси бўлиб, туринликлар либосида 130та ўйин ўтказган. Transfermarkt портали Италия терма жамоасининг 29 ёшли собиқ футболчисининг нархини икки миллион еврога баҳоламоқда.