"Вулверхэмптон" клуби ярим ҳимоячи Матеус Нунес учун "Манчестер Сити"нинг 47 миллион фунт стерлинг (54 миллион евро)лик таклифини рад этди, деб хабар беради The Independent.
Манбага кўра, "бўрилар" 24 ёшли футболчини анча қимматроқ деб ҳисобламоқда. "Сити" агар талаб қилинадиган миқдорни жуда катта деб ҳисобласа, Нунес билан шартнома имзолашдан бош тортишга тайёр, чунки "шаҳарликлар" футболчи учун ортиқча пул тўлаш ниятида эмас.
2023/24 йилги мавсумда Нунес "Вулверхэмптон" сафида Премер-лигада 2 та ўйинда майдонга тушди ва самарали ҳаракатлари билан ажралиб тура олмади. Унинг шартномаси 2027 йилнинг ёзига қадар мўлжалланган.
