"Марсель" ярим ҳимоячиси Маттео Гендузи "Лацио"га ўтишга рози бўлди, деб ёзди журналист Альфредо Педулла твиттерда.
24 ёшли франциялик футболчи йилига 2,5 миллион евро маош оладиган шартномага рози бўлди. Трансфер суммаси бонусларни ҳисобга олмаганда 13-14 миллион еврони ташкил қилади.
Гендузи "Марсель"да 2021 йилдан бери тўп тепади. Амалдаги шартнома 2025 йилгача мўлжалланган. Transfermarkt портали футболчининг нархини 25 миллион еврога баҳоламоқда.
Гендузи ўтган мавсумда барча турнирларда 43 та ўйинда майдонга тушиб, 5 та гол урди ва 5 та голли узатмани амалга оширди.