"Marsel" yarim himoyachisi Matteo Genduzi "Lasio"ga o‘tishga rozi bo‘ldi, deb yozdi jurnalist Alfredo Pedulla tvitterda.
24 yoshli fransiyalik futbolchi yiliga 2,5 million yevro maosh oladigan shartnomaga rozi bo‘ldi. Transfer summasi bonuslarni hisobga olmaganda 13-14 million yevroni tashkil qiladi.
Genduzi "Marsel"da 2021 yildan beri to‘p tepadi. Amaldagi shartnoma 2025 yilgacha mo‘ljallangan. Transfermarkt portali futbolchining narxini 25 million yevroga baholamoqda.
Genduzi o‘tgan mavsumda barcha turnirlarda 43 ta o‘yinda maydonga tushib, 5 ta gol urdi va 5 ta golli uzatmani amalga oshirdi.