"Ливерпуль" ҳужумчиси Муҳаммад Салоҳ "Ал Иттиҳод"га ўтишга рози бўлди, деб хабар беради beIN Sports. Энди Саудия клуби "қизиллар" билан трансфер суммасини келишиб олиши керак.
Аввалроқ “Ал-Иттиҳод” Салоҳ учун 90 миллион евро тўлашга тайёрлиги, бу Саудия Лигаси тарихидаги рекорд трансфер бўлиши ҳақида хабар берилганди.
Салоҳ жорий мавсумда “Ливерпуль” таркибида 2 та ўйинда майдонга тушиб, 1 та гол ва 1 та голли узатмани амалга оширди. Унинг мерсисайдликлар билан шартномаси 2025 йилнинг ёзида якунига этади. Transfermarkt футболчини 65 миллион еврога баҳоламоқда.