Тель-Авивнинг "Маккаби" клуби дарвозабони Даниэл Перецни "Бавария"га ўтганини эълон қилди.
"Биз Даниэлнинг кетишидан қайғудамиз, лекин унинг янги жамоасидан фахрланамиз ва унга ва унинг янги клуби "Бавария"га келгуси йилларда барча ишларида муваффақиятлар тилаймиз", - дейилади Маккаби клуби баёнотида.
Журналист Патрик Штрассернинг фикрича, трансфер мюнхенликларга 6-7 миллион еврога тушади.
23 ёшли исроиллик футболчи “Маккаби” тарбияланувчиси бўлиб, клуб сафида 101та ўйин ўтказиб, 44 бор ўз дарвозаси дахлсизлигини сақлаб қолган. 2019/20 йилги мавсумда у Тель-Авивнинг "Бейтар" клубида ижара асосида ўйнади ва клуб сафида 36 та ўйинда иштирок этди.
