Жума куни дарвозабон Марк-Андре тер Штеген "Барселона" билан янги шартнома имзолайди. Бу ҳақда инсайдер Фабрицио Романо ижтимоий тармоқлар орқали хабар тарқатди.
Қайд этилишича, шартнома 2027/2028 йилги мавсум охиригача мўлжалланади. Томонлар янги келишув шартларини бир неча ҳафта олдин келишиб олдилар ва ҳужжатлар имзолашга тайёр.
Тер Штеген "Барселона"да 2014 йилнинг ёзидан бери ўйнаб келмоқда. Ўшандан бери немис дарвозабони 379 та ўйин ўтказиб, 368 та гол ўтказиб юборган.
Испания чемпионатининг навбатдаги учрашувини “Барселона” 27 август, якшанба куни сафарда “Вильярреал”га қарши ўтказади.
