"Ноттингем Форест" ўзининг расмий сайти орқали "Челси" ярим ҳимоячиси Андре Сантосни бир йиллик ижарага олганини эълон қилди.
Эслатиб ўтамиз, 19 ёшли Сантос шу йилнинг январь ойида "Васко да Гама" клубидан 12,5 миллион евро эвазига "Челси"га ўтган эди. "Кўклар"нинг асосий жамоаси таркибида ёш бразилиялик ҳали бирорта ҳам расмий ўйин ўтказишга улгурмади.
Премьер-лиганинг икки турида "Ноттингем Форест" уч очко жамғариб, турнир жадвалида 10-ўринда бормоқда. “Ўрмончилар” навбатдаги ўйинини эртага, 26 август куни “Манчестер Юнайтед”га қарши ўтказади. Ушбу ўйиннинг бошланиши Тошкент вақти билан 19:00 га белгиланган.
