Ҳужумчи Килиан Мбаппе келажаги борасида бир қарорга келди. Футболчи 2023/2024 йилги мавсумни "ПСЖ"да ўтказади. Бу ҳақда Мбаппега жуда яқин бўлган манбаларга таяниб, Un Sourire Pour Camille хайрия ташкилоти хабар бермоқда.
Ташкилот саҳифасида Мбаппенинг боласи билан тушган сурати пайдо бўлди. Суратда ҳужумчи Парижда қолишидан хурсанд эканлигини ифодалайди.
Айтиш жоизки, миш-мишлар Килиан Мбаппени "Реал" билан фаол боғлаган. Ҳужумчининг Париждаги амалдаги шартномаси 2024 йилнинг июнь ойи охиригача амал қилади.
"ПСЖ" Лига 1нинг навбатдаги ўйинини 26 август, шанба куни "Ланс"га қарши ўтказади.
