Криштиану Роналду хет-трик қилиш бўйича Лионель Мессидан 6 тага олдинда.

“Ан-Наср” ҳужумчиси бугун Саудия Арабистони чемпионатида “Ал-Фатеҳ” (5:0) дарвозасини уч марта ишғол қилди.

Ҳаммаси бўлиб, португалиялик ҳозирда 63 та хет-трикга эга - ҳозирда фаолиятини давом эттираётган футболчилар орасида энг кўп. Иккинчи ўринда Лионель Месси («Интер Майами») - унинг ҳисобида 3 ва ундан ортиқ гол урган 57 ўйин бор.

Роналду клуб даражасида 53 та хет-трик қайд этган бўлса, 10 таси Португалия терма жамоаси сафида урган. Ўттиз ёшга тўлгунга қадар у ҳар бир учрашувда 30 марта 3 ёки ундан кўп гол урган, кейин эса 33 марта.