"Бавария" фахрий президенти Ули Хёнесс ҳужумчи Харри Кейн билан шартнома имзолагани ҳақида гапирди. У келишув "Тоттенхэм" раҳбарияти туфайли барбод бўлиш арафасида бўлганини таъкидлади.
"Тахминан ярим тунда биз трансфер бўйича келишиб олдик, бироқ бир неча соат ўтгач, келишув барбод бўлиш арафасида эди. Лондонликлар товон пули миқдорини оширишга қарор қилишди. "Шпорлар" президенти Левига бу билан келишиш учун тахминан олти соат вақт керак бўлди. Эрталаб эса футболчи Мюнхенга жўнаб кетди", - дея Хёнессдан иқтибос келтиради Die Welt.
Кейн "Бавария" таркибида иккита ўйин ўтказиб, гол урди ва самарали узатмани амалга оширди.
