"Челси" бош мураббийи Маурисио Почеттино ҳужумчи Раҳим Стерлингнинг "Лутон"га қарши ўйинига изоҳ берди. Англиялик футболчи дубл қайд этиб, жамоасининг мавсумдаги илк ғалабасини қўлга киритишига ёрдам берди (3:0).

"Стерлинг - топ футболчи, у "Вест Хэм"га қарши ажойиб ўйнади. "Лутон" билан у яна ўз маҳоратини кўрсатди. У Премьер-лига ва Англиянинг энг яхши футболчиси. У катта садоқат кўрсатмоқда ва меҳнати орқали жамоага катта ҳисса қўшишни истайди", - деди Почеттино матбуот анжуманида.

Стерлинг ўтган мавсумда Премьер-лигада 6 та гол урди ва 3 та голли узатмани амалга оширди ва 2012/13 йилдан буён фаолиятидаги энг ёмон кўрсаткичини қайд этди.