"Арсенал" вингери Букайо Сака жамоасининг Англия Премьер-лигасида ғалаба қозониш имкониятлари ҳақида фикр билдирди.
Эслатиб ўтамиз, ўтган мавсумнинг аксарият қисмида "канонирлар" чемпионат турнир жадвалида пешқадамлик қилишган, аммо якунда кубок яна бир бор "Манчестер Сити"га насиб этганди.
"Биз ҳар куни шу йўналишда ишлаймиз. Бунга жамоадаги ҳамма эришмоқчи, аммо биз ўз амбициямизни майдонда кўпроқ кўрсатишимиз керак", - деди Сака The Guardian билан суҳбатда.
Сака янги мавсумда Англия Премьер-лигасининг икки бошланғич турида битта гол урди. Турнирнинг сўнгги мавсумида вингер 14 та гол урди.
