Ўнг қанот ҳимоячиси Иван Фреснеда «Вальядолид»дан «Спортинг»га ўтади.
Relevo хабарига кўра, Лиссабон клуби 18 ёшли футболчи учун 9 миллион евро тўлайди. Яна 3 миллион евро бонус сифатида шартномага киритилади.
Бундан ташқари, шартномада «Вальядолид» Фреснеданинг навбатдаги трансфери суммасининг 10 фоизини олиши ҳақида банд бўлади.
Эслатиб ўтамиз, Иван Фреснеда 19 ёшгача бўлган Испания терма жамоаси сафида 13 та ўйин ўтказган. Бу ўйинларда ҳимоячи шеригига битта самарали узатма берди.
Аввалги миш-мишлар Фреснедани «Барселона» ва «Реал» билан боғлаган эди.
