Бугун "Бухоро" футбол клуби Ўзбекистон кубогининг ярим финал жавоб ўйини доирасида "Насаф"ни қабул қилади. Жамоа сардори Жасур Ҳасановнинг "Бухоро" клуби мухлислар сайтига берган интервьюсида айтишича, улар қаршиликларни мағлуб этиб, финалга чиқишга қодир экан.

"Футболда имконият ҳар доим сақланиб қолади. Биз биринчи ўйинда 0:2 ҳисобида мағлубиятга учраган бўлсак-да, ҳозирги кундаги кучимиз "Насаф"ни бундан-да йирикроқ ҳисобда мағлубиятга учратишга қодир. Финалга чиқиш учун бор имкониятларимизни ишлатамиз ва финалга чиқишимизга ишонаман. Қандай ўйин бўлишидан қатъий назар, олдимизга фақат ва фақат ғалаба қозониш вазифаси қўйилган. Бу "Бухоро"нинг мавсумдаги энг муҳим баҳсларидан бири эканлигини ҳисобга олиб, ўзимиздаги захира кучларимизни ҳам ишлатамиз. Барча йигитлар жанговор руҳда. Шуларнинг барчасини инобатга олиб, аминманки, "Бухоро" жамоаси ўз тарихида илк маротаба Ўзбекистон Кубоги финалига йўлланмани қўлга киритишига ишонаман. Мухлислардан стадиондан туриб тинмай қўллаб-қувватлашларини сўрайман. Бу мен ва шерикларим учун муҳим аҳамиятга эга", дейди бухороликлар сардори Жасур Ҳасанов.