"Бавария" ҳужумчиси Харри Кейн футболдаги келажаги ҳақида ўз фикрлари билан ўртоқлашди.
"Тоттенхэм"дан Мюнхен клубига кўчиб ўтишдан бироз олдин инглиз форварди ўзининг 30 ёшини нишонлади. Кейннинг трансфери “Бавария”га 100 миллион еврога тушди ва бу футболчининг ёшини ҳисобга олиб, жамоатчиликда бир оз шубҳа уйғотди.
“30 ёшга кирганингизда, негадир одамлар сизни карьерангизни якунлаш арафасида турибсиз, деб ўйлай бошлашади, лекин мен яна етти-саккиз йил юқори савияда ўйнашни хоҳлайман. Футболда ҳар қандай ёшда муваффақиятга эришиш мумкинлигини исботлаган Криштиану Роналду, Лионель Месси, Карим Бензема ва Роберт Левандовскининг мисоллари бор", - дея Кейн сўзларини келтиради Bayern & Germany.
